მსოფლიო ბირჟებზე ოქროს და ვერცხლის ღირებულება კვლავ მაღალ ნიშნულზეა. მიუხედავად იმისა, რომ ერთი დღის ინტერვალში ოქროს ღირებულება შემცირდა, ზოგადი მაჩვენებლით ის კვლავ მაღალია.

უფრო კონკრეტულად კი GoldPrice-ის მონაცემებით, თბილისის დროით 12:30 საათზე, 1 უნცია ძვირფასი ლითონის ღირებულება 5 035 დოლარია, რაც ერთ დღეში ფასის 0.34%-ით შემცირებაზე მიუთითებს, რაც შეეხება ვერცხლს, ამ მომენტისთვის 1 უნცია 81.7 დოლარი ღირს, რაც ერთ დღიან ჭრილში 0.99%-ით დაკლებული ფასია.

რაც შეეხება საქართველოს, ოქროსა და ვერცხლის ღირებულება აქაც მომატებულია. უფრო კონკრეტულად, 1 გრამი 999 სინჯის ოქროს ფასი 461 ლარია, 750-სინჯიანი - 345 ლარი ღირს, ხოლო 585-სინჯიანი ოქროს ფასი 269 ლარს შეადგენს.

რაც შეეხება ვერცხლის ღირებულებას, 999-სინჯიანი 1 გრამის ფასი 9.16 ლარია, ხოლო 800-სინჯიანი 1 გრამი ვერცხლის შეძენა 7.33 ლარად არის შესაძლებელი.