სუვერენიტეტი, ქვეყნების მშენებლობა გამჭვირვალობის გარეშე ვერ შედგება და როდესაც უცხო ძალები ერევიან ქვეყნის საშინაო საქმეებში, ეს ქვეყნისთვის მომავალი კატასტროფის საწინდარია, - განაცხადა განათლების, მეცნიერებისა და
ახალგაზრდულ საქმეთა კომიტეტის თავმჯდომარის მოადგილემ, საპარლამენტო უმრავლესობის წევრმა გიორგი სოსიაშვილმა.
სოსიაშვილის თქმით, ეს აღკვეთა საქართველოს ხელისუფლებამ.
„სუვერენიტეტი, ქვეყნების მშენებლობა გამჭვირვალობის გარეშე ვერ შედგება და როდესაც უცხო ძალები ერევიან ქვეყნის საშინაო საქმეებში, ეს ქვეყნისთვის მომავალი კატასტროფის საწინდარია. ეს აღკვეთა საქართველოს ხელისუფლებამ. ეს გამოცდილება დასჭირდა სწორედ ახლა ევროსაბჭოს, რომელმაც მოგვმართა თხოვნით, რომ ჩვენი უკვე კარგა ხნის გამოცდილება გავუზიაროთ, რათა მათ პრაქტიკაში დანერგონ ეს ყველაფერი“, - აღნიშნა გიორგი სოსიაშვილმა.
ევროსაბჭოს უცხოურ ჩარევასთან ბრძოლისთვის საქართველოს გამოცდილება დასჭირდა. წინადადებებს ორგანიზაცია წევრი ქვეყნებისაგან 15 აპრილამდე ელის. ქართულმა მხარემ ანგარიში უკვე მოამზადა. უცხოური ინფორმაციით მანიპულირებისა და ჩარევის ექსპერტთა კომიტეტის პირველი შეხვედრა ევროსაბჭოში 27 იანვარს შედგა.