აზერბაიჯანის სახელმწიფო უსაფრთხოების სამსახურის თანამშრომლებმა ჩატარებული ოპერატიული და საგამოძიებო მოქმედებების შედეგად უცხო ქვეყნის საელჩოზე ტერაქტის მომზადების ბრალდებით სამი ადამიანი დააკავეს. ინფორმაციას აზერბაიჯანის სახელმწიფო საინფორმაციო სააგენტო ავრცელებს.

დაკავებულები არიან 2000 წელს დაბადებული ილგარ გულიევი ილჰამ ოღლუ, 2005 წელს დაბადებული ამინ ფირიევი ელშად ოღლუ და 2005 წელს დაბადებული ელვინ ალიზადე სანან ოღლუ.

გამოძიების ცნობით, ბრალდებულებმა ტერორისტულ ორგანიზაცია „ისლამურ სახელმწიფოსთან“ კავშირი დაამყარეს და შეიძინეს საგნები, რითაც ტერორისტულ აქტს გეგმავდნენ. უსაფრთხოების სამსახურის თანამშრომლებმა ისინი საელჩოსთან მიახლოებისთანავე დააკავეს.

სასამართლომ აღკვეთის ღონისძიების სახით სამივე ბრალდებულს პატიმრობა შეუფარდა.