ამერიკის შეერთებული შტატების სახელმწიფო მდივანმა, არასამთავრობო ორგანიზაციებთან დაკავშირებით განცხადება გააკეთა. მარკო რუბიოს თქმით, შტატები უცხო ქვეყნებში პროექტების განხორციელებისთვის არ დაიქირავებს და არ დააფინანსებს არასამთავრობო ორგანიზაციებს. რუბიომ განმარტა, რომ უცხო ქვეყნებში ენჯეოები ბიზნესის კეთებით და საკუთარი დღის წესრიგის თავს მოხვევით არიან დაკავებული.  

ასევე, ხშირად ბენეფიციარი ქვეყნის მთავრობებთან კონფლიქტში არიან, რის გამოც სახელმწიფო დეპარტამენტი ქვეყნებს პირდაპირ დააფინანსებს.

„თუ ქვეყნების დახმარებას ვცდილობთ, სახელმწიფოებს უნდა დავეხმაროთ. არ უნდა დავეხმაროთ არასამთავრობოებს, რომ ქვეყანაში შევიდეს და ახალი ბიზნესი მონახოს. სწორედ ამ მოდელს ვანგრევთ - ამას აღარ ვაკეთებთ. აღარ ვაპირებთ მილიარდების დახარჯვას არასამთავრობო ინდუსტრიული კომპლექსის დასაფინანსებლად. მოკლედ, თუ გსურთ ქვეყნის დახმარება - იმუშავეთ ამ ქვეყანასთან და არა მესამე მხარესთან, რომელიც ყველაფერს თავის წესებს მოახვევს თავს“, - აცხადებს მარკო რუბიო.