თელავში 3 წლის ბავშვს მანქანა დაეჯახა
შემთხვევა აგრარული ბაზრის მიმდებარე ტერიტორიაზე ცოტა ხნის წინ მოხდა.
თვითმხილველების ინფორმაციით, ბავშვის დედა მაღაზიაში შევიდა, ხოლო 3 წლის ბიჭი მანქანაში მარტო იმყოფებოდა.
მცირეწლოვანს ავტომობილი იმ დროს დაეჯახა, როდესაც გადმოსვლა მოახერხა და გზაზე გადარბენას ცდილობდა. მძღოლმა დროული დამუხრუჭება ვერ შეძლო.
დაშავებული სასწრაფო-სამედიცინო დახმარების ბრიგადამ თელავის რეფერალურ საავადმყოფოში გადაიყვანა.
„-დაშავებული ჩვენს კლინიკაშია შემოყვანილი. ამ ეტაპზე ღია მოტეხილობები არ ფიქსირდება. ბავშვს უტარდება დამატებითი კომპიუტერული კვლევები, რის შემდეგაც დაიწყება შესაბამისი მკურნალობა.”- განაცხადა კლინიკის დირექტორმა ხათუნა ჭონიაშვილმა.
შემთხვევის ადგილზე პოლიცია იყი მობილიზებული. მიმდინარეობს ვითარების დაზუსტება.