2025 წლის 20 ნოემბერი, დელი: „ინდოეთს სურს 2047 წლისთვის გაზარდოს ეკონომიკა 30-35 ტრილიონი აშშ დოლარამდე. ფარმაცევტული ინდუსტრია თამაშობს უმნიშვნელოვანეს როლს ეკონომიკური ზრდის ხელშეწყობასა და საზოგადოებრივ ჯანდაცვაში“, - ნათქვამია EY Parthenon-ის და ინდოეთის ფარმაცევტული მწარმოებლების ორგანიზაციის (OPPI) ბოლო ანგარიშში. არსებობს სამი ურთიერთდაკავშირებული ქვაკუთხედი, რომლებიც განსაზღვრავენ ინდოეთის ფარმაცევტულ მრეწველობას: დომინირება გენერიკებსა და ვაქცინებში, CRDMO/CDMO-ს სექტორის განვითარება და გლობალური შესაძლებლობების ცენტრების გაფართოება. 

ანგარიში სახელწოდებით „ინოვაციის ხელშეწყობა, კაპიტალის გაზრდა: პარტნიორობის ძალა და ციფრული სტრატეგიები, რომლებიც განაპირობებენ ინდოეთის ფარმაკოლოგიის გლობალურ დომინირებას“ ხაზს უსვამს ინდოეთის ფარმაცევტული სექტორის ევოლუციურ გზას „მსოფლიო ფარმაციის“ ისტორიული როლიდან - ინოვაციასა და სამეცნიერო კვლევაში გლობალურ ლიდერად ჩამოყალიბებამდე. 

პირველი შთაბეჭდილებები მოწინავე ფარმაკოლოგებს შორის CXO-ს ურთიერთობებიდან მიუთითებენ იმაზე, რომ მრეწველობა უნდა ფოკუსირდებოდეს გრძელვადიან გლობალურ ლიდერობაზე და ხარჯსარგებლიანი მოდელიდან ინოვაციისა და ფასეულობის შექმნაზე ორიენტირებულ მოდელზე გადაცვლის მნიშვნელობაზე. ასევე მიმოხილულია მარეგულირებელი აქტივობის საჭიროება, გაზრდილი R&D ინვესტიცია, პროფესიონალური განვითარება კრიტიკულ სფეროებში მყარი ფარმაცევტული ეკოსისტემის შესაქმნელად.

ანგარიშზე დაყრდნობით, EY Parthenon National Lifesciences-ის ლიდერმა სურეშ სუბრამანიანმა განაცხადა, რომ „ინდოეთის ფარმაკოლოგიური სექტორი არის წარმატების ისტორია. სანამ ჩვენ ვმკვიდრებოდით, მსოფლიო ლიდერებად გენერიკებში და ვაქცინებში, ჩვენ წინ დაგვხდა უამრავი გამოწვევა ძვირადღირებულ ინოვაციებსა და მოწინავე თერაპიულ ტექნოლოგიებზე გადასვლის პროცესში. ისეთი მნიშვნელოვანი მიმართულებები, როგორიცაა მარეგულირებელი ბაზის გამარტივება, ინვესტიცია შემდეგი თაობის თერაპიებში, და კვალიფიციური პერსონალის განვითარება მოითხოვს ყურადღებას დაუყოვნებლივ. ჩვენი ანგარიში აჩვენებს უშუალო გზას წინ, რომელიც დატვირთულია სტრატეგიული პარტნიორობით, ციფრული სიჩქარით, და პოლიტიკით, რომელიც დაეხმარება ინდოეთს  გადავიდეს მწარმოებელი ჰაბიდან გლობალური სასიცოცხლო დისციპლინების საინოვაციო მძლავრ ცენტრამდე.

გარდა ამისა, ინდოეთის ფარმაცევტული მწარმოებლების ორგანიზაციის გენერალურმა დირექტორმა ბატონმა ანილ მატაიმ განაცხადა: „ინდოეთის ფარმაცევტული ინდუსტრია დგას გადამწყვეტ მომენტში, და მას აქვს პოტენციალი თავიდან განსაზღვროს მისი გლობალური იდენტობა ინოვაციების და თანამშრომლობის გზით.  ძვირადღირებულ შესაძლებლობებზე ფოკუსირებით, მარეგულირებელი ბაზის გაძლიერებით და მოთამაშეებს შორის პარტნიორობის წახალისებით, ინდოეთს შეუძლია დაიკავოს მყარი პოზიცია როგორც ლიდერი ფარმაცევტულ ინოვაციასა და მოწინავე წარმოებაში 2047 წლისთვის. დარგის, ხელისუფლების და აკადემიური სექტორის კოლექტიური ძალისხმევა იქნება უმნიშვნელოვანესი ამ ამოცანის შესრულებაში.

ანგარიშის ძირითადი ასპექტები:

1. მიმდინარე სურათი: პოტენციალი და შესაძლებლობები

ეს ანგარიში განსაზღვრავს ინდოეთის პოზიციას, როგორც ერთ-ერთი ყველაზე სწრაფად მზარდი მსხვილი ეკონომიკის, რომლის მშპ გაიზარდა 2.1$ ტრილიონიდან - 4.3$ ტრილიონამდე ბოლო 10 წლის განმავლობაში. ხელისუფლება მიზნად ისახავს ქვეყნის გადაქცევას 30-35$ ტრილიონიან ეკონომიკად 2047 წლისთვის, სადაც ფარმაცევტული სექტორი იქნება ამ ამბიციის ქვაკუთხედი. დღესდღეობით, დარგი იკავებს მესამე ადგილს მსოფლიოში მისი მოცულობით, და მეთოთხმეტე ადგილს ფასით, რაც ფარავს გენერიკების მსოფლიო მიწოდების დაახლოებით 20%-ს, ხოლო ვაქცინების 60%-ს.

ასევე, ანგარიშში ნაჩვენებია ფარმაცევტული ექსპორტი, რომელიც გაიზარდა 15.07$ მილიარდიდან (2013-14 წწ.) – 27.85 მილიარდამდე (2023-2024 წწ.). ეს ზრდა არ არის სასიცოცხლო მნიშვნელობის არამხოლოდ ეკონომიკური განვითარებისთვის, არამედ საზოგადოებრივი ჯანდაცვისთვისაც, ვინაიდან უფრო ჯანმრთელი მოსახლეობა ზრდის შრომით მონაწილეობას და ამცირებს დაავადებათა ეკონომიკურ ზემოქმედებას. 

2. CRDMO-ების ზრდა: სურათის გარდაქმნა

ანგარიშმა გაამახვილა ყურადღება კონტრაქტების კვლევის და განვითარების ორგანიზაციების (CRDMO) და კონტრაქტების განვითარების და მწარმოებელი ორგანზაციების (CDMO) მნიშვნელობაზე, როგორც ფარმაცევტულ დარგში მოწინავე მოთამაშეების. მსოფლიო CRDMO-ს ბაზარმა, გეგმის მიხედვით, უნდა მიაღწიოს 303$ მლრდ.-ს 2028 წლისთვის. ეს ზრდა განპირობებულია ფარმაცევტული კომპანიების მზარდი აუთსორსინგით და წარმოებით საკვანძო მიმართულებებზე ფოკუსირებით. 

გარდა ამისა, ანგარიშში მითითებულია, რომ ინდოელი CRDMO-ები აბანდებენ ინვესტიციებს მოწინავე წარმოებაში და ანალიტიკაში, და წარმოადგენენ ძირითად პარტნიორებს გლობალურ კვლევასა და განვითარებაში. ეს ევოლუცია ეხმარება ინდოეთს უფრო დაბალ ფასიანი წარმოების ჰაბიდან ძვირადღირებულ ინოვაციაში ინტეგრირებულ პარტნიორად გადაქცევაში, ულტრა-თანამედროვე მეცნიერებასა და ტექნოლოგიაში ჩართულობით.

3. გლობალური შესაძლებლობების ცენტრების გაფართოება: ინოვაციების დანერგვა

გლობალური შესაძლებლობების ცენტრების (GCC) გახსნა და გაფართოება მულტინაციონალური ფარმაცევტული ფირმების მიერ ინდოეთში გახდა აუცილებელი ქვეყნის ინოვაციის ეკოსისტემის გასაძლიერებლად. მოწინავე მსოფლიო სამეცნიერო კომპანიების დაახლოებით 50%-მა დაარსა GCC-ები ინდოეთში, ადგილობრივი სპეციალისტების მოზიდვით და მოწინავე ციფრული შესაძლებლობების ათვისებით. 

ცენტრებმა გააერთიანეს როგორც ჩვეულებრივი ხარჯსარგებლიანი ობიექტები, ასევე სტრატეგიული აქტივები, რაც მნიშვნელოვანი წვლილია საწარმო ინოვაციებსა და გლობალურ ბიზნეს სტრატეგიებში. ეს ანგარიში გვაჩვენებს, რომ ხელოვნური ინტელექტის, მოწინავე ანალიტიკის და ავტომატიკის ინტეგრირება ასეთ ცენტრებში თავიდან განსაზღვრავს პრეპარატის აღმოჩენის და განვითარების პროცესებს, სადაც ინდოეთი იქნება მსოფლიო ცოდნის და ინოვაციების ამძრავი მექანიზმი.

4. CXO-ები ხაზს უსვამენ კრიტიკულ გამოწვევებს

ანგარიში აერთიანებს დარგის ლიდერების უშუალო ხედვებს, რომლებიც აცხადებენ, რომ ტრადიციული გენერიკის მოდელი ხდება მზარდად არასაიმედო ფასის ცვალებადობის გამო. ისინი მიუთითებენ „ინდოეთის ცოდნის პოტენციალის მასშტაბის შეცვლის“ და  მსოფლიო კლასის R&D ეკოსისტემის მშენებლობის საჭიროებაზე. 

გლობალური ლიდერობის გზამკვლევი

ანგარიში სთავაზობს სამი მიმართულების მქონე სტრატეგიას ინდოეთის 450$ მილიარდის პოტენციალის გასაშლელად:

მოქნილი რეგულირება და პოლიტიკის ლიდერობა: ინდოეთის GMP-ს სტანდარტების მსოფლიო სტანდარტებთან შესაბამისობაში მიყვანა, აქტიური მონაწილეობა საერთაშორისო ფორუმებზე, CRDMO-სთვის განკუთვნილი მარეგულირებელი ბაზის შექმნა მარეგულირებელ მონაცემთა დაცვასთან ერთად საწყის ეტაპზე შესწავლის და ერთობლივი განვითარების უზრუნველსაყოფად. 

R&D ინვესტიციები და ინოვაციების დაფინანსება: მაღალი რისკის კვლევის გაშვება საჯარო-კერძი საინოვაციო ფონდების მეშვეობით ბიოლოგიისთვის, უჯრედული და გენური თერაპიებისთვის.  ანგარიში მოუწოდებს ფარმაცევტულ კომპანიებს გაზარდონ მათი R&D ხარჯები შემოსავლების 10%-ზე მეტი ოდენობით და ააშენონ ინოვაციური ლაბორატორიები აკადემიებით და სტარტაპებით აღმოჩენების და კომერციალიზაციის დაკავშირების მიზნით.

საკადრო და შესაძლებლობების განვითარება: აკადემიური პროგრამის მოდერნიზება AI/ML-ით, ბიოინფორმატიკით და მარეგულირებელი მეცნიერება. მრეწველობასა, CRDMO-ებსა და GCC-ებს შორის თანამშრომლობის წახალისება სამუშაო ადგილების შემქმნელი პროგრამების დაპროექტების და კვლევის გრანტების მატერიალურ შემოსავლებთან დაკავშირების მიზნით. 

კვლევის შესახებ: EY-OPPI-ის ანგარიშში ასახული შედეგები ეყრდნობა 2025 წლის სექტემბერ-ოქტომბერში ჩატარებულ პირველად კვლევას.