ნარჩენების მართვის სტრატეგიისა და სამოქმედო გეგმის დამტკიცების შესახებ თბილისის საკრებულოში სამუშაო შეხვედრა გაიმართა. შეხვედრას თბილისის მერის მოადგილე ანდრია ბასილაია, „თბილსერვის ჯგუფის“ წარმომადგენლები, მერიის გარემოს დაცვის საქალაქო სამსახურის უფროსი და მუნიციპალიტეტის საკრებულოს წევრები ესწრებოდნენ.

სამუშაო ჯგუფის ფორმატში ერთობლივად შემუშავდება სტრატეგიის საბოლოო ვერსია. მუნიციპალიტეტის შესაბამისი სამსახურები აქტიურად აგრძელებენ თანამშრომლობას იმისათვის, რომ დედაქალაქის ნარჩენების მართვის სისტემა უფრო ეფექტიანი, მდგრადი და გარემოსდაცვითი სტანდარტების შესაბამისი გახდეს.