საქართველოს კალათბურთის ფედერაციას კვლავ ვიქტორ სანიკიძე უხელმძღვანელებს.

ფედერაციის საანგარიშო სხდომაზე, რომელიც დღეს გაიმართა, ბოლო წლების მიღწევები და სამომავლო გეგმები განიხილეს.

ახალი ციკლის პერიოდი ახალგაზრდული პროექტების, რეგიონების განვითარების და საერთაშორისო წარმატებების გაგრძელებას ითვალისწინებს.

ვიქტორ სანიკიძის ხელმძღვანელობით ფედერაცია ახლა უკვე ახალი მიზნებით მუშაობას იწყებს, რათა ქართული კალათბურთის განვითარებისა და საერთაშორისო აღიარების გზა გააგრძელოს.