აშშ-ის პრეზიდენტმა, დონალდ ტრამპმა განაცხადა, რომ თუ ვლადიმირ პუტინს შეხვდება, ამას უნგრეთის დედაქალაქ ბუდაპეშტში ისურვებდა, მაგრამ ამ ეტაპზე შეხვედრის მიზეზს ვერ ხედავს.
პრეზიდენტმა მანამდე აღნიშნა, რომ პუტინის მოუქნელობამ უკრაინის საკითხზე, აიძულა იგი, უარი ეთქვა პირისპირ მოლაპარაკებების მეორე რაუნდის გეგმებზე.
„ვისურვებდი, ეს უნგრეთში, ბუდაპეშტში ყოფილიყო. ის შეხვედრა, როგორც აღმოჩნდა, არ მინდოდა, რადგან არ მეგონა, რაიმე მნიშვნელოვანი მოხდებოდა. მაგრამ თუკი შეხვედრა შედგება, მინდა, რომ ეს ბუდაპეშტში მოხდეს“, - დასძინა მან.