იუსტიციის უმაღლესი საბჭოს წევრად უზენაესი სასამართლოს მოსამართლე, არჩილ კოჭლამაზაშვილი აირჩიეს. ის საბჭოს წევრის თანამდებობას 5 წლის ვადით დაიკავებს. იუსტიციის უმაღლესი საბჭოს ახალი წევრი მოსამართლეთა რიგით 36-ე კონფერენციაზე აირჩიეს.

დღევანდელ კონფერენციაზე, საბჭოს მოსამართლე წევრის ერთ ვაკანტურ ადგილზე, მხოლოდ ერთი კანდიდატი დასახელდა, რომელსაც მხარი 295-მა დელეგატმა დაუჭირა.

იუსტიციის უმაღლეს საბჭოში ახალი წეევრის არჩევის აუცილებლობა მას შემდეგ დადგა, რაც საბჭოს ერთი წევრი, ლევან ნემსაძე უზენაესს სასამართლოში გადავიდა. ამ დროისთვის საბჭო უკვე სრულად არის დაკომპლექტებული და 15 წევრისგან შედგება. კანონში შესული ცვლილებების მიხედვით, 9 მოსამართლე წევრის ნაცვლად, ახლა უკვე საბჭოს შემადგენლობაში 12 მოსამართლე წევრი უნდა შეირჩეს, სამი კი არამოსამართლე წევრია.