20-30 ადამიანს საშუალებას არ მივცემთ თბილისის მოსახლეობაზე იძალადონ და დისკომფორტი შეუქმნან, - განაცხადა ფრაქცია „ქართული ოცნების" თავმჯდომარის პირველმა მოადგილემ ლევან მაჭავარიანმა

„ამიტომ, პირველ რიგში პოლიციის მხრიდან იქნება გაფრთხილება, როდესაც მცირე ჯგუფი შეეცდება რომ ცენტრალური გამზირი გადაკეტოს, ხოლო თუ ისინი მაინც შეეცდებიან რომ იმავნებლონ, ამ შემთხვევაში სამართალდამცავი უწყებები კანონის შესაბამისად იმოქმედებენ, - აღნიშნა ლევან მაჭავარიანმა.

პარლამენტმა 16 ოქტომბერს მხარი დაუჭირა შეკრების ან მანიფესტაციის ჩატარების წესის დარღვევისთვის პასუხისმგებლობის გამკაცრებას. ცვლილების თანახმად, შეკრების ან მანიფესტაციის მონაწილის მიერ სახის ნიღბით დაფარვის, ცრემლსადენი ან მომწამვლელი ნივთიერების ქონის, გზის გადაკეტვის ან დროებითი კონსტრუქციის მოწყობის პირველივე შემთხვევა გამოიწვევს ადმინისტრაციულ პატიმრობას 15 დღემდე ვადით, ხოლო თუ სამართალდამრღვევი აქციის ორგანიზატორია, ადმინისტრაციულ პატიმრობას 20 დღემდე ვადით.