19 ოქტომბერს, ლუვრის გახსნის დროს ძარცვა მოხდა, - ამის შესახებ სოციალურ ქსელში კულტურის მინისტრმა, რაჩიდა დატიმ დაწერა. ინფორმაციას le monde-ი ავრცელებს.

"დღეს დილით, ლუვრის გახსნის დროს ძარცვა მოხდა. არავინ დაშავებულა. მე ადგილზე ვარ მუზეუმის თანამშრომლებთან და პოლიციასთან ერთად. მიმდინარეობს გამოძიება", - დაწერა მინისტრმა.

მედიის ინფორმაციით, ჯერჯერობით უცნობია, კონკრეტულად რა მოიპარეს მუზეუმიდან. მინისტრის გარემოცვის ინფორმაციით, მუზეუმში ერთი ან რამდენიმე მძარცველი შეიპარა.

მუზეუმმა სოციალურ ქსელ X-ზე დაადასტურა, რომ ლუვრი ერთი დღით, "განსაკუთრებული მიზეზების გამო" დაიხურა.