ჩვენ ყველა არჩევნებზე ასე ვმოქმედებთ და ის უსაფუძვლო ბრალდებები, რომელიც თითქმის, ერთი წლის განმავლობაში შლეიფად მოჰყვებოდა მთელს წინასაარჩევნო პერიოდში, კიდევ ერთხელ დადასტურდა, რომ ეს ყველაფერი იყო უსაფუძვლო და გარკვეული შეთქმულების ნაწილი, - განაცხადა „დღის ქრონიკაში" ცესკოს თავმჯდომარემ, გიორგი კალანდარიშვილმა თვითმმართველობის არჩევნების პროცესის შეფასებისას.
მისივე თქმით, იყო ადმინისტრაციის დისკრედიტაციის მცდელობები, თუნდაც გუშინაც სხვადასხვა დაინტერესებული პირი თუ სუბიექტი მანიპულაციურად ცდილობდა, მოეხდინა ნეგატიური განწყობების ფორმირება. თუმცა, საბედნიეროდ, ეს ყოველივე იყო მხოლოდ იზოლირებული შემთხვევები.
„აღნიშნულმა კიდევ ერთხელ ცხადყო, რომ ადმინისტრირების ხარისხი არის მაღალ დონეზე განხორციელებული, რომელიც არც ერთ შემთხვევაში არ ჩამოუვარდება წამყვანი, დემოკრატიის მქონე ევროპულ ქვეყნებს.
შესაბამისად, გუშინდელმა დღემ გვაჩვენა, ის, რომ შედეგების სწრაფად გამოცხადება მოხდა ქართული თანამედროვე არჩევნების ისტორიაში - საათსა და ოცდახუთ წუთში ჩვენ უკვე გვქონდა წინასწარი შედეგები კონსოლიდირებული სახით, რაც ტექნოლოგიური ინტერვენციის შედეგია; რაც ასევე არის სწორი დაგეგმარებისა და ორგანიზების შედეგი; რაც არის ჩვენი მომზადების შედეგი და რაც თავის მხრივ გულისხმობს იმას, რომ ეს ყველაფერი თანხვედრაშია საერთაშორისო სტანდარტებთან", - განაცხადა გიორგი კალანდარიშვილმა.