ჩეხეთის საპარლამენტო არჩევნებში გამარჯვების შემდეგ ქვეყნის ყოფილმა პრემიერ-მინისტრმა ანდრეი ბაბიშმა, უკრაინელი ჟურნალისტის კითხვის საპასუხოდ განაცხადა, რომ უკრაინა ევროკავშირისთვის მზად არ არის.

შეკითხვაზე, დაუჭერს თუ არა მხარს ევროკავშირსა და ნატოში უკრაინის მიღებას, ანდრეი ბაბიშმა უპასუხა, რომ ამაზე თანამშრომლობა შეუძლიათ, მაგრამ წევრობაზე საუბარი არ არის.

„უკრაინა ევროკავშირის წევრობისთვის მზად არ არის. პირველ რიგში, ჯერ ომი უნდა დასრულდეს. ჩვენ შეგვიძლია თანამშრომლობა, მაგრამ წევრობაზე საუბარი არ არის“ - აცხადებს ბაბიში.