ამ წუთიდან შინაგან საქმეთა სამინისტრო უნდა დაემორჩილოს ქართველ ხალხს და არა ბიძინა ივანიშვილს, - ამის შესახებ მოძრაობა „რუსთაველის გამზირის" დამფუძნებელმა პაატა ბურჭულაძემ თავისუფლების მოედანზე მიმდინარე აქციაზე განაცხადა.
პაატა ბურჭულაძემ დაასახელა „ქართული ოცნების" ექვსი ლიდერი, რომლებიც „სასწრაფოდ უნდა დაატყვეოს" შინაგან საქმეთა სამინისტრომ და მათ ჩააბარონ.
„როგორც კი ისინი გადაუხვევენ [ამ გზიდან], ისინი ემორჩილებიან ბანდიტებს და ხუნტას. მათ გასაგონად ხმა უნდა მივცეთ კიდევ ერთ ძალიან მნიშვნელოვან საკითხს. გადაწყვეტილება უნდა მივიღოთ „ოცნების" წევრ ექვს ადამიანზე, ვინ არიან მთავარი ბოროტმოქმედები ჩვენს ქვეყანაში, რომლებმაც აქამდე მოგვიყვანეს და მოვითხოვოთ მათი სასწრაფო დატყვევება და მიყვანა საპყრობილეში.
ნომერი პირველი - ირაკლი კობახიძე, ნომერი ორი - შალვა პაპუაშვილი, ნომერი სამი - ანზორ ჩუბინიძე, ნომერი ოთხი - მამუკა მდინარაძე, ნომერი ხუთი - თეა წულუკიანი, ნომერი ექვსი - ბიძინა ივანიშვილი.
ამ წუთიდან ჩვენ გვეკუთვნის ძალაუფლება. შინაგან საქმეთა სამინისტრო ვალდებულია, ისინი ჩვენ ჩაგვაბარონ. ის ადამიანები, ვინც დაუფარავენ მათ, ასევე მიეცემიან პასუხისგებაში. არც პირადი დაცვა არ უშველით, პირადი დაცვაც მიეცემა პასუხისგებაში და შინაგანს საქმეთა სამინისტროს თანამშრომლებიც", - განაცხადა პაატა ბურჭულაძემ.