უნგრეთის საგარეო საქმეთა მინისტრი პიტერ სიიარტო სოციალურ ქსელ X-ში წერს, რომ ბრიუსელი ომისთვის ემზადება, რომლის საფასურსაც ევროპელები, მათ შორის უნგრელები გადაიხდიან.
„ჩვენ მშვიდობა გვინდა, ბრიუსელის ხელმძღვანელობა კი ომისკენ ისწრაფვის“, - წერს უნგრეთის პირველი დიპლომატი.
სიიარტოს თქმით, ევროკომისიამ უკრაინის დაფინანსებაზე ორიენტირებული ახალი, შვიდწლიანი ბიუჯეტი შეიმუშავა და ის არ პასუხობს ევროპის რეალურ გამოწვევებს, კერძოდ, კონკურენტუნარიანობის აღდგენას, ენერგოუსაფრთხოების უზრუნველყოფას და ეკონომიკურ ზრდას.
სიარტო წერს, რომ უნგრეთი ევროპელი გადამხდელების ფულის ომზე დახარჯვას და უკრაინის არმიის დაფინანსებას ეწინააღმდეგება.