უკრაინის დელეგაცია იარაღის შესყიდვის საკითხზე აშშ-ში შეხვედრებს გამართავს, - ამის შესახებ უკრაინის პრეზიდენტმა, ვოლოდიმირ ზელენსკიმ პრესკონფერენციაზე განაცხადა.

„ჩვენ [დონალდ ტრამპთან მოლაპარაკებების დროს] შევთანხმდით, რომ ამერიკის შეერთებული შტატებისგან იარაღს სხვადასხვა პროგრამის მეშვეობით შევიძენთ. უკრაინის დელეგაცია აშშ-ში ყველა ტექნიკურ შეხვედრას სექტემბრის ბოლოდან და ოქტომბრის დასაწყისიდან გამართავს. პრეზიდენტთან ძირითად საკითხებზე შევთანხმდით. ახლა პრაქტიკულად განხორციელებაზე გადავდივართ", - განაცხადა ზელენსკიმ.

მისი თქმით, დონალდ ტრამპთან აშშ-ის მიერ უკრაინული დრონების შეძენის საკითხიც განიხილა.

„დრონების შესახებ შეთანხმებაც განვიხილეთ. ამ შეთანხმებაზე მუშაობას ტექნიკური ჯგუფებიც იწყებენ. ეს ჩვენი დრონებია, რომლებსაც აშშ პირდაპირ შეიძენს", - აღნიშნა ვოლოდიმირ ზელენსკიმ.