„რუსთავი 2“-ის დირექტორი ბაკურ ბაკურაძე ნანუკა ჟორჟოლიანის 16 წლის შვილის ირგვლივ განვითარებულ მოვლენებს საგანგებო მიმართვით გამოეხმაურა. მან პასუხი გასცა ოპოზიციის მხარდამჭერი ჟურნალისტის მუქარასაც ტელეკომპანიის მიმართ:

„მთელი ცხოვრება შავზე თეთრს ამტკიცებთ, უდანაშაულოს დამნაშავეს უწოდებთ, მკვდარზე ცოცხალს იძახით და ცოცხალზე - მკვდარს. 

რაიმე არასწორად იყო დაწერილი? იქვე გამოქვეყნდა შსს-ს ოფიციალური განცხადება.

რაც ნაციონალები არსებობენ სულ “წყაროა” მათი გავრცელებული პასკვილების, ცილისწამების და უზნეობის, ე.წ. ინფორმაციის ძირითადი წყარო, გაუმწარეს ცხოვრება უამრავ ადამიანს, აწამეს, აყაჩაღეს, ჩახოცეს და ერთხელ ბოდიში არავის არაფრისთვის მოუხდია.

შვილს ეხება, სენსიტიურია, მესმის და ამიტომ არ მიკვირს აღშფოთება. 

ჩემი არც შვილი, არც ცოლი და არც შვილიშვილი, არც დედ-მამა და არც ოჯახი არც ერთი უსამშობლოსთვის არ ყოფილა დამაბრკოლებელი უამრავ უზნეობას და სიბინძურეს როცა მაბრალებენ.

არა უშავს, ესეც გაივლის, როგორც ყველაფერმა ცუდმა გაიარა და არაერთი თავი ჩამოატარა მდინარემ ჩემს წინ 52 წლის მანძილზე.

P.S. ბოლო აბზაცის შინაარსი შეიძლება ვიღაც-ვიღაცეებმა ვერ გაიგონ, მათთვის არც დამიწერია.

კომენტარებს სპეციალურად ვთიშავ ამ პოსტზე, არ ვაპირებ ვიღაცეებს სეირი მოვაწყობინო ჩემს კედელზე.

გმადლობთ ყურადღებისათვის“ - დაწერა ბაკურ ბაკურაძემ.