საქართველოში გაერთიანებული სამეფოს ელჩი გარეთ უორდი საგარეო საქმეთა სამინისტროში დაიბარეს. „რუსთავი 2“-ის ინფორმაციით, ელჩი საგარეო საქმეთა სამინისტროში უკვე მივიდა. გარეთ უორდს უწყებაში შესვლამდე მედიასთან კომენტარი არ გაუკეთებია.

შეგახსენებთ, რომ საგარეო საქმეთა სამინისტროში გუშინ, 24 სექტემბერს გერმანიის ელჩი, პეტერ ფიშერიც დაიბარეს. როგორც მან აღნიშნა, ეს იყო გერმანიასთან თანამედროვე საქართველოს ურთიერთობის ისტორიაში პირველი შემთხვევა, როცა გერმანელი ელჩი სამინისტროში დაიბარეს.