წალენჯიხაში „ქართული ოცნების“ მერობის კანდიდატი გუბა საჯაია ადგილობრივებს საპარლამენტო უმრავლესობის წევრმა, ირაკლი ზარქუამ წარუდგინა.

მერობის კანდიდატი მოსახლეობას წალენჯიხის განვითარების სტრატეგიასა და სამომავლო გეგმებზე ესაუბრა და განაცხადა, რომ გამარჯვების შემთხვევაში, მისი მთავარი პრიორიტეტები სოციალური და ინფრასტრუქტურული პროექტები იქნება. მერობის კანდიდატმა ახალგაზრდების ხელშეწყობასა და საგანმანათლებლო სფეროზე გაამახვილა ყურადღება.

ამომრჩევლებთან შეხვედრა „ღამის შოუს“ ბენდის კონცერტით დასრულდა.