რუსეთში მართვის სისტემა საკმაოდ მყარი და სტრესგამძლეა, მაგრამ პრეზიდენტ ვლადიმერ პუტინის ჯანმრთელობა მის მიერ აგებულ სისტემაზე სუსტია, - განაცხადა უკრაინის თავდაცვის სამინისტროს დაზვერვის მთავარი სამმართველოს ხელმძღვანელმა, კირილ ბუდანოვმა.
„მე არ მსიამოვნებს ამის თქმა, ბევრს ამის მოსმენა არ მოეწონება, მაგრამ მათი [რუსების] სისტემა საკმაოდ ძლიერი და სტრესგამძლეა", - თქვა ბუდანოვმა.
ჟურნალისტის დამაზუსტებელ კითხვაზე, არის თუ არა პუტინის ჯანმრთელობა ისეთივე ძლიერი, როგორც მის მიერ შექმნილი სისტემა, ბუდანოვმა უპასუხა: „არა, ჯანმრთელობა უარესია, ვიდრე მისი სისტემა. მაგრამ რუსეთის ლიდერის წასვლით არაფერი შეიცვლება. მათ ისეთი სისტემა ააშენეს, რომ მემკვიდრეები იმავე პარადიგმაში იქნებიან".