მიმდინარეობს თუ არა თბილისსა და მოსკოვს შორის კულუარული მოლაპარაკება ამა თუ იმ ფორმით საქართველოს ტერიტორიული მთლიანობის შესაძლო აღდგენაზე? ბოლო დროს, როგორც ქართულ, ასევე რუსულ საინფორმაციო სივრცეში გაჩნდა მოსაზრება, რომ საქართველოსა და დასავლეთს შორის ურთიერთობების მკვეთრი გაუარესების ფონზე, შესაძლოა მოხდეს რუსულ-ქართული ურთიერთობების დათბობა, რისი ლოგიკური გაგრძელებაც იქნება აფხაზეთისა და ცხინვალის რეგიონის რეინტეგრაცია ქართულ სახელმწიფოში.