როცა ჩვენ ვსაუბრობდით აკერმანის ტრენინგებზე, ვიღაცას სასაცილო ეგონა, ახლა ხომ პირდაპირ, სიტყვა-სიტყვით სრულდება?!, - ამის შესახებ საქართველოს პარლამენტის თავმჯდომარემ, შალვა პაპუაშვილმა საპარლამენტო უმრავლესობის სხდომის დასრულების შემდეგ გამართულ ბრიფინგზე განაცხადა.

„ნაციონალურ მოძრაობას" არ აქვს ხალხის მხარდაჭერა, არის პოლიტიკური უმცირესობა და ცდილობს დემოკრატიული მეთოდების გვერდის ავლით მოიპოვოს ძალაუფლება ძალადობითა და წყლის ამღვრევით. არჩევნები არის რამდენიმე თვეში, თუკი ვინმეს მართლა ჰგონია, რომ აქვს ხალხის მხარდაჭერა, 26 ოქტომბერს გამოვიდეს და ხალხი კიდევ ერთხელ გასცემს პასუხს", - აღნიშნა შალვა პაპუაშვილმა.