სიდნეის სავაჭრო ცენტრში 13 აპრილს დანით შეიარაღებული პირი შეიჭრა. მედიის ცნობით, თავდასხმის შედეგად დაიღუპა 6 ადამიანი. სულ მცირე, 11 ადამიანი კი დაშავდა.

ცნობილი ხდება, რომ სიდნეის სავაჭრო ცენტრში მომხდარ შეიარაღებულ თავდასხმას ქართველი ქალი ემსხვერპლა.

„სქაი ნიუსის" ცნობით, ნიუ უელსის პოლიციამ დაადასტურა, რომ 55 წლის ქართველი ქალი სიდნეის სავაჭრო ცენტრში 13 აპრილს მომხდარი თავდასხმისას მოკლეს. გარდაცვლილი ქალი ფიქრია დარჩიაა.აღნიშნული ფაქტი newshub.ge-ის დაუდასტურეს საქართველოს საგარეო საქმეთა სამინისტროშიც.„ქართული მხარისთვის ცნობილი არის სიდნეიში, სავაჭრო ცენტრზე თავდასხმის შედეგად, საქართველოს (და ავსტრალიის) მოქალაქის გარდაცვალების შესახებ. ჩვენ თანავუგრძნობთ გარდაცვლილის ოჯახის წევრებს და ასევე, ავსტრალიის მთავრობას და ხალხს აღნიშნული ინციდენტის შედეგად დაღუპულთათვის. ქართული მხარე შეშფოთებას გამოთქვამს მომხდარის გამო. საქართველოს საელჩო კონტაქტზეა გარდაცვლილის ოჯახის წევრებთან და მიმდინარეობს შესაბამისი პროცედურები", - განუცხადეს NEWSHUB.GE-ის საგარეო საქმეთა სამინისტროში. ავსტრალიის პოლიციის თქმით, თავდამსხმელი მარტო მოქმედებდა და მისი ლიკვიდაცია მალევე მოხდა.