აშშ-ის პრეზიდენტმა, ჯო ბაიდენმა და ისრაელის პრემიერ-მინისტრმა, ბენიამინ ნეთანიაჰუმ სატელეფონო საუბრისას ღაზაში განვითარებული მოვლენები განიხილეს.

"[აშშ-ის] პრეზიდენტი ბაიდენი ესაუბრა ისრაელის პრემიერ-მინისტრს, ბენიამინ ნეთანიაჰუს ისრაელსა და ღაზაში [განვითარებულ] უახლეს მოვლენებზე, მათ შორის რაფაჰში ვითარებაზე და ღაზასთვის ჰუმანიტარული დახმარების გაზრდის ძალისხმევაზე", - ნათქვამია თეთრი სახლის განცხადებაში.

ისრაელის პრემიერ-მინისტრმა დააფიქსირა მისი მთავრობის მზაობა, მიაღწიოს ომის მიზნებს, რაც მოიცავს "ჰამასის" განადგურებას, ყველა მძევლის გათავისუფლებასა და იმის უზრუნველყოფას, რომ ღაზა აღარ შეუქმნის საფრთხეს ისრაელს".