პარტია „ქართული ოცნების" თავმჯდომარე ირაკლი ღარიბაშვილი აჭარისა და იმერეთის რეგიონებში დატრიალებული ტრაგედიის გამო მწუხარებას გამოთქვამს.

ირაკლი ღარიბაშვილი სამძიმარს და თანაგრძნობას უცხადებს გარდაცვლილთა ოჯახების წევრებსა და საზოგადოებას.

„ღრმა მწუხარებას გამოვთქვამ აჭარისა და იმერეთის რეგიონებში დატრიალებული ტრაგედიის გამო. სამწუხაროდ, სტიქიამ ჩვენი არაერთი თანამოქალაქის სიცოცხლე შეიწირა.

გულწრფელ სამძიმარს და თანაგრძნობას ვუცხადებ გარდაცვლილთა ოჯახების წევრებსა და ახლობლებს, მთლიანად ჩვენს საზოგადოებას", - აღნიშნავს ირაკლი ღარიბაშვილი.