მე შემიძლია გავაკეთო კომენტარი ჩვენს მიზნებსა და გეგმებზე, ეს არის რეალური ცვლილებები ქვეყანაში, – ამის შესახებ „ნაციონალური მოძრაობის“ წევრმა, დავით ხაჯიშვილმა განაცხადა.
„ჩვენი მიზნები და გეგმები კარგად იცით, რეალური ცვლილებები ქვეყანაში. რაც შეეხება ნიკა გვარამიას, ყველა იმ ოპოზიციონერს, ვინც ამ გეგმაში ჩვენ გვეთანხმება, ვუსურვებთ წარმატებებს ოპოზიციაში. მე გვარამიას და ყველა ოპოზიციონერს, მინდა, ვუსურვო წარმატება“, – განაცხადა ხაჯიშვილმა.
„მთავარი არხის“ დამფუძნებელმა, ნიკა გვარამიამ „ვივამედში“ საქართველოს ყოფილი პრეზიდენტის, მიხეილ სააკაშვილის მონახულების შემდეგ ჟურნალისტებს განუცხადა, რომ თანამშრომლობას განიხილავს ყველასთან, მათ შორის მელიასთანაც, ჯაფარიძესთანაც და ხოშტარიასთანაც.