ზურაბიშვილის ფიქრები - ოპოლიდერი ვიქნები - ეს არის მისი ამბიცია. კარგად ვიცნობთ ზურაბიშვილს, ის ვერასდროს იტანს განსხვავებულ აზრს, - ამის შესახებ „ხალხის ძალის" ერთ-ერთმა ლიდერმა გურამ მაჭარაშვილმა მედიასთან განაცხადა.

„ნაცმოძრაობის" გარდა, უნდათ რომ „ნაცმოძრაობა 2"-მაც გადალახოს ბარიერი ე.წ. შეერთებებით. თუმცა ეს იქნება ძალიან რთული პროცესი, თითქმის შეუძლებელი იქნება. რასაც ვხედავთ, მელია, გახარია, „ლელო", გვარამია და თავში ზურაბიშვილი - ეს ის შემადგენლობაა, რომლის ვითომ მესამე ძალად ჩამოყალიბებასაც აპირებენ", - აღნიშნა მაჭარაშვილმა.

პოლიტიკურ სპექტრში აქტიურად მსჯელობენ იმის შესახებ, რომ სალომე ზურაბიშვილი შესაძლოა ოპოზიციის ერთ-ერთი ლიდერი გახდეს. ოპოზიციის საარჩევნო სტრატეგიაზე „ხალხის ძალა" საუბრობს - ამ სტრატეგიის ნაწილია „ლელო", გახარიას პარტია და გვარამია-მელიას გაერთიანება, რომლის ლიდერიც შესაძლოა სალომე ზურაბიშვილი იყოს.