პარლამენტის ფრაქცია ”ქართული ოცნების” თავმჯდომარის მოადგილის, გიორგი ცაგარეიშვილის განცხადებით, "ლელოს", "ნაციონალური მოძრაობის" და სხვა მკვეთრად რადიკალურად განწყობილი პარტიების მიზანია, ნებისმიერი საშუალების გამოყენებით, ხელისუფლების შეცვლა, რისთვისაც ე.წ. კონსულტანტებიც იქნებიან გამოყენებულნი.
ცაგარეიშვილის თქმით, კონსულტანტების რჩევა-დარიგებით სახელმწიფოს გადატრიალებების მოწყობა ვერ აღსრულდება.
"ლელოს", "ნაციონალური მოძრაობის" და სხვა მკვეთრად რადიკალურად განწყობილი პარტიების მიზანია, ნებისმიერი მიზნით და ნებისმიერი საშუალების გამოყენებით, ხელისუფლების შეცვლა. აქ, რა თქმა უნდა, ჩართულები იქნებიან ე.წ. კონსულტანტები. დღეს, გარეთ არ არის არც 2003 და არც 2004 წელი, ღმერთმა დაიფაროს ქვეყანა ამისგან. ასე რომ, კონსულტანტების რჩევა-დარიგებით სახელმწიფო გადატრიალებების მოწყობა და, უკუღმართი რჩევების მიხედვით, ხელისუფლების შეცვლის დაუოკებელი სურვილი ვერ აღსრულდება", - განაცხადა ცაგარეიშვილმა.