აშშ-ის ყოფილმა პრეზიდენტმა, დონალდ ტრამპმა განაცხადა, რომ „რესპუბლიკელებმა" უარი უნდა თქვან ნებისმიერ გარიგებაზე, რომელიც არ მოიცავს ყველაფერს, რაც საჭიროა არალეგალი მიგრანტების ნაკადის შესაჩერებლად. ინფორმაციას ამის შესახებ ამერიკული გამოცემა The Hill-ი ავრცელებს.
როგორც ამერიკული გამოცემა იუწყება, ტრამპი სენატში უმცირესობის ლიდერს, მიტჩ მაკკონელსა და მის გუნდს მოუწოდებს, უარი თქვან საზღვრის უსაფრთხოებასთან დაკავშირებით ნებისმიერ კომპრომისზე.
"მე არ ვფიქრობ, რომ ჩვენ უნდა გვქონდეს შეთანხმება [საზღვარზე], თუ არ მივიღებთ ყველაფერს, რაც გვჭირდება, რათა შევაჩეროთ მილიონობით და მილიონობით ადამიანის [ქვეყანაში] შემოჭრა", - აღნიშნა აშშ-ის ყოფილმა პრეზიდენტმა.