იმდინარე წლის ბოლომდე სრულიად დავაკმაყოფილებთ სკოლამდელ განათლებაზე ხელმისაწვდომობას დედაქალაქის მასშტაბით, - ამის შესახებ თბილისის ბაგა-ბაღების სააგენტოს ხელმძღვანელმა კახა აბულაძემ განაცხადა. მისი თქმით, ბაგა ბაღების სტანდარტებთან შესაბამისობაში მოყვანა მიმდინარე წელსაც გაგრძელდება.
„დამატებით მოვემსახურებით 4 ათას აღსაზრდელს, რაც იქნება გაზრდილი რაოდენობა. მოგეხსენებათ, ჩვენ 60 ათასამდე აღსაზრდელს ვემსახურებით ჩვენი ბაგა-ბაღების მეშვეობით. გასული წლის განმავლობაში თბილისის ყველა საჯარო ბაგა-ბაღში დაინერგა „ჰასპის" სტანდარტი, 155 ბაღში ჩატარდა სარემონტო სამუშაოები, განახლდა სამზარეულოს ტექნიკა და ინვენტარი და ეს ცვლილებები და სტანდარტებთან შესაბამისობაში მოყვანა გაგრძელდება მიმდინარე წელსაც", - განაცხადა აბულაძემ.
ამასთან, დღეს ცნობილი გახდა, რომ დედაქალაქის მთავრობის გადაწყვეტილებით, თბილისის საჯარო ბაღების თანამშრომელთა ხელფასები 15%-ით გაიზრდება.