ევროკავშირმა თანაგრძნობა გამოუცხადა ირანელ ხალხს, ირანში მომხდარი აფეთქების გამო.
განცხადებას ამის შესახებ ევროკავშირის დიპლომატიური უწყება აქვეყნებს.
„ამ ტერორისტულ აქტს შოკისმომგვრელი რაოდენობის მსხვერპლი მოჰყვა, უამრავი ადამიანი დაშავდა. ჩვენი ფიქრები ახლა მსხვერპლებთან და მათ ოჯახებთანაა. დამნაშავეები უნდა დაისაჯონ",- ნათქვამია განცხადებაში.
შეგახსენებთ, ირანში ორი აფეთქება მოხდა. ჯერ - ერთი, შემდეგ კი მეორე აფეთქება ქვეყნის სამხრეთ-აღმოსავლეთით მდებარე ქალაქ კერმანში, ცერემონიის დროს მოხდა, რის შედეგადაც, სულ მცირე, 103 ადამიანი დაიღუპა, 188-ზე მეტი კი დაშავდა.