საბოლოო სიტყვა ევროკავშირმა საქართველოსთან მიმართებით თქვა, როდესაც ჩვენ მოგვანიჭა კანდიდატის სტატუსი, - ამის შესახებ საქართველოს პარლამენტის თავმჯდომარის მოადგილემ არჩილ თალაკვაძემ განაცხადა.

„ოპოზიციისთვის სახელმძღვანელო ციტატები არის ის ციტატები, რომელსაც კუბილიუსი, რასა და სხვა რამდენიმე ოპონენტი აკეთებდა ევროპარლამენტიდან, ეს არ არის საქართველოს ან ჩვენი საზოგადოებისთვის სახელმძღვანელო და ვერ გახდება სამაგალითო შეფასება. ეს არის ცალკეულად, პოლიტიკურად მოტივირებული განცხადებები. ამიტომ საბოლოო სიტყვა ევროკავშირმა საქართველოსთან მიმართებით თქვა, როდესაც ჩვენ მოგვანიჭა კანდიდატის სტატუსი, როდესაც შეფასების ანგარიშში პირდაპირ ითქვა, რომ საქართველო უნდა გახდეს წევრობის კანდიდატი და ჩვენ განვაგრძობთ, რა თქმა უნდა, გზას ევროინტეგრაციისკენ, სანამ საქართველო არ გახდება ევროპული ოჯახის წევრი", - აღნიშნა თალაკვაძემ.