ჩეხეთის დედაქალაქში, ძველ ქალაქთან ახლოს, უნივერსიტეტის ტერიტორიაზე, სროლას მსხვერპლი მოჰყვა. სოციალურ ქსელებში გამოქვეყნებულ ვიდეოებში ჩანს, როგორ გარბიან ადამიანები შემთხვევის ადგილიდან.

„ჩვენ შეგვიძლია დავადასტუროთ, რომ ადგილზე არიან დაღუპულები და დაშავებულები“, - აღნიშნულია პოლიციის განცხადებაში.

უნივერსიტეტმა თანამშრომლებს ელფოსტით გაუგზავნა წერილი, რომელშიც მათ ურჩევენ, თუ შენობაში არიან, არსად წავიდნენ, ჩაკეტონ კარი, განათავსონ ავეჯი კართან და გამორთონ განათება.