ევროკავშირსა და ჩინეთს შორის ურთიერთობა განმსაზღვრელი ფაქტორია ჩვენი ეკონომიკური კეთილდღეობისა და ეროვნული უსაფრთხოებისთვის, - განაცხადა ევროკომისიის პრეზიდენტმა, ურსულა ფონ დერ ლაიენმა.
"ამ მღელვარე დროში, ჩინეთთან ურთიერთობისას საჭიროა სტრატეგიული სტაბილურობა", - აღნიშნა ევროკომისიის პრეზიდენტმა.
ურსულა ფონ დერ ლაიენის თქმით, ჩინეთი სავაჭრო პარტნიორი და ინდუსტრიული ძალაა, მაგრამ ჩინეთი ასევე არის ტექნოლოგიური კონკურენტი, სამხედრო ძალა და გლობალური მოთამაშე, რომელსაც აქვს მკაფიო, განსხვავებული იდეები გლობალურ წესრიგზე.
"ჩინეთი მისდევს გლობალურ წესრიგს, რომელიც სინოცენტრული და იერარქიულია. ის უბიძგებს დღის წესრიგს, რომელიც ამცირებს უნივერსალური წესების მნიშვნელობას და უპირატესობას ანიჭებს ეროვნულ ინტერესებს. და ეს ეწინააღმდეგება ჩვენს ინტერესებს და ღირებულებებს. ჩვენ უნდა ვაღიაროთ, რომ ჩვენს ურთიერთობაში არის მეტოქეობის აშკარა ელემენტი. მაგრამ ეს მეტოქეობა არ უნდა იყოს მტრული. ეს შეიძლება იყოს კონსტრუქციული. ასე რომ, ჩვენი რეაგირება უნდა იყოს დაბალანსებული და სტრატეგიული", - დასძინა მან.