უკრაინელი სამხედროები შეეცდებიან, წლის ბოლომდე ბრძოლის ველზე წარმატებას მიაღწიონ, - ამის შესახებ უკრაინის პრეზიდენტმა ვოლოდიმირ ზელენსკიმ Reuters NEXT-ის კონფერენციაზე გამოსვლისას განაცხადა.

„შევეცდებით, წელს შედეგი ვაჩვენოთ. ეს ჩვენთვის ძალიან მნიშვნელოვანია, იმიტომ რომ ყოველდღე ადამიანებს ვკარგავთ. ნაკლები რუსეთი - ეს კარგი სიახლეა, მაგრამ ნაკლები ხალხი - ძალიან ცუდი სიახლეა", - აღნიშნა ზელენსკიმ და დაამატა, რომ რუსეთის დანაკარგები უკრაინისას 5-ჯერ აღემატება.

უკრაინის პრეზიდენტმა აღიარა, რომ სამხრეთის ფრონტზე პროგრესი ძალიან ნელია, თუმცა აღნიშნა, რომ უკრაინას აქვს საბრძოლო მოქმედებების კონკრეტული გეგმა 2024 წლისთვის.

„ჩვენ გვაქვს გეგმა - კონკრეტული ქალაქები, ძალიან კონკრეტული მიმართულებები. არ შემიძლია ყველა დეტალის დასახელება, მაგრამ სამხრეთში ძალიან ნელა მივიწევთ წინ... გვაქვს კარგი წინსვლა ხერსონის ოლქთან. დარწმუნებული ვარ, რომ წარმატება გველოდება", - აღნიშნა ზელენსკიმ.