უამინდობის გამო რთული ვითარებაა გზებზე. შეფერხებულია საავტომობილო მოძრაობა დასავლეთიდან რიკოთის უღელტეხილის მიმართულებით. მძღოლებს საათობით უწევთ საცობში დგომა. ძლიერი წვიმის შედეგად დაიტბორა ზესტაფონის მუნიციპალიტეტი და მიმდებარე სოფლები, ქალაქში პრობლემა სანიაღვრე სისტემის გაუმართაობამ შექმნა. უხვი ნალექი ქვეყნის მასშტაბით წუხელ ღამით დაიწყო, ზოგიერთ რეგიონში წვიმა ახლაც გრძელდება.