ბოლო პერიოდში ხელისუფლების წარმომადგენლებისა და მმართველ პარტიასთან აფილირებული პოლიტიკური ძალების მხრიდან სულ უფრო ხშირად კეთდება განცხადება ექსპრეზიდენტ მიხეილ სააკაშვილის კლინიკა „ვივამედიდან" უკან, საპატიმროში დაბრუნებაზე. რამდენიმე დღის წინ ამაზე ისაუბრა იუსტიციის მინისტრმა რატი ბრეგაძემ. ოთხშაბათს ამავე თემაზე გააკეთა განცხადება სპეციალური პენიტენციური სამსახურის სამედიცინო დეპარტამენტის ხელმძღვანელმა. „ხალხის ძალამ" კი ხუთშაბათს პირდაპირ განაცხადა, რომ სააკაშვილის ჯანმრთელობის მდგომარეობა უკვე იძლევა ციხეში მისი დაბრუნების საშუალებას.