რუსმა სამხედროებმა დონეცკის ოლქის ქალაქი სლავიანსკი დაბომბეს, ადამიანები ნანგრევების ქვეშ არიან მოყოლილი, არიან დაშავებულები, - ამის შესახებ სლავიანსკის საქალაქო სამხედრო ადმინისტრაციის ხელმძღვანელი, ვადიმ ლიახი „ტელეგრამზე“ იუწყება.
„სამწუხაროდ, სლავიანსკი კვლავ დაიბომბა. ოთხი აფეთქება. ბევრი სახლი დაზიანდა, ხალხი ნანგრევებშია, მათი რიცხვი 300-მდეა. საბედნიეროდ, ამ დროისთვის მსხვერპლი არ არის“, - განაცხადა ლიახმა ვიდეომიმართვაში.
მან შემთხვევის ადგილიდან ვიდეო და ფოტო მასალა გაავრცელა.
ქალაქის ადმინისტრაციაში აცხადებენ, რომ მსხვერპლის შესახებ მონაცემები და ნგრევის მოცულობა ზუსტდება.