
"თამოსკინის" დამფუძნებელი თამო ვაშალომიძე დაუფარავად ამბობს, რომ ახალ სახლში გადასვლის შემდეგ უკვე ოთხი თვეა, ძილის წინ ძლიერი შიში ეუფლება. მდგომარეობა განსაკუთრებით მას შემდეგ გაუმწვავდა, რაც რამდენიმე კვირის წინ სახლში გაზის სუნი იგრძნო. მიუხედავად იმისა, რომ გაჟონვის ადგილები შეაკეთეს, ვაშალომიძე კვლავ ნერვიულობს და გაზის ხელახლა შემოწმებას გეგმავს.
მისი თქმით, შიშის გამო ზოგჯერ გათენებას ელოდება, რათა დამშვიდდეს და დარწმუნდეს, რომ საფრთხე აღარ არსებობს.
"რაც ამ სახლში გადმოვედი, მეგობრებო, 10-ჯერ ჩავწერე ეს ვიდეო და 10-ჯერ წავშალე. აი, მგონია, რომ ყოველი დღის შემდეგ რაღაც შეიცვლება და ამაზე საუბარს ვარიდებდი თავს. ხვალ უნდა დავურეკო გაზის კომპანიას და შევამოწმებინო. ჯერ ხომ ისე მქონდა შიში, ვერ ვიძინებდი. ახლა, ამ ტრაგედიის შემდეგ უარესად ვარ, მით უმეტეს, გაზი გასდიოდა. გააკეთეს, შემოწმებულია, მაგრამ მაინც ვნერვიულობ.
მოკლედ, რაც ამ სახლში გადმოვედი, ვერ ვიძინებ. ღამით ისედაც ვმუშაობ ხოლმე, მაგრამ როგორც კი უნდა ჩამეძინოს, მაშინვე მეწყება ასეთი რაღაცები. დიდი სახლებისაც მეშინია, კერძო სახლში საერთოდ ვერ ვჩერდები.
თქვენ არ იცით, როგორ ვიტანჯები. გათენებას ველოდები.
ადრე მეგონა, ვკვდებოდი და მორჩა, აი, ანდერძს ვწერდი... ახლა მკვლელობა რომ მოხდება, რაღაც უბედურება, მაშინვე ცუდად ვხვდები.
ახლა არის დილის 8-ის ნახევარი და ახლა უკვე დავიძინებ.
ორი-სამი კვირის წინ გაზის სუნი იყო სამზარეულოში... დავრეკეთ, სადაც რეკავენ, გაზის კომპანიაში, გვითხრეს მოვალთ ორ-სამ დღეშიო.
ახლა ორი-სამი დღე სად დაველოდებოდი? სუნი იყო საშინელი. მოვიყვანე ხელოსნები და სამ ადგილას გაზი ჟონავდა. გავაკეთებინე, მაგრამ დღეს უნდა დავრეკო და მაინც მოვიყვანო.
ახლა ამაზე დამეწყო ეს შიშები, ეს საშინელება. ვაიმე, აი, ოღონდ ეს გადამალახვინა და ეს შიშის გრძნობა არ მქონდეს, არ ვიცი. ძალიან ვიტანჯები, ხალხო, ძალიან, ძალიან ვიტანჯები. დავიღალე...
თუ ჩამეძინა, როგორც კი გამომეღვიძება, მაშინ ვეუბნები ჩემს თავს, არაფერი არ ხდება, დამშვიდდი, დაწყნარდი.
ვიცი, მეტყვით, პანიკური შეტევებიაო. ფაქტია, რომ ეს გრძელდება უკვე რამდენიმე თვეა, ოთხი თვეა ასე ვარ. აი, ოთხი თვეა, რაც აქ გადმოვედი, ასე ვარ და იმედია, ეს ჯოჯოხეთი დასრულდება", - თქვა ვიდეოში თამუნა ვაშალომიძემ.
სტატიების ნახვა შეგიძლიათ რუბრიკაში "ყველა სტატია"
ყველა ახალი ამბის ნახვა შეგიძლიათ ამ ბმულზე
საინტერესო ვიდეოები შეგიძლიათ იხილოთ რუბრიკაში "ყველა ვიდეო"
ბოლო ამბების ნახვა შეგიძლიათ ამ ბმულზე