
ყვარელში, საჯარო სკოლის მოსწავლეს, რომელიც სკუტერით გადაადგილდებოდა, მსუბუქი ავტომობილი დაეჯახა - რას წერს ადგილობრივი მედია
ყვარელში, ძველი საავადმყოფოს გადასახვევთან, 1 საჯარო სკოლის მოსწავლეს მსუბუქი ავტომობილი დაეჯახა. ამის შესახებ ინფორმაციას "მთავარი ამბები კახეთიდან" ავრცელებს.
ადგილობრივი მედიის ინფორმაციით, ავარია იმ დროს მოხდა, როცა მოზარდი ელექტროსკუტერით გადაადგილდებოდა.
"არსებული ინფორმაციით, მან სხეულის მსუბუქი დაზიანება მიიღო.შემთხვევას სოციალურ ქსელში მოქალაქეების მხრიდან გამოხმაურება მოჰყვა - ნაწილი პასუხისმგებლობას მძღოლს აკისრებს და სიჩქარის კონტროლის აუცილებლობაზე საუბრობს, ნაწილი კი ყურადღებას ელექტროსკუტერებით მოძრავი ბავშვების დაუდევრობასა და მშობლების პასუხისმგებლობაზე ამახვილებს.
მოქალაქეების ნაწილი მიიჩნევს, რომ აუცილებელია სკუტერებით გადაადგილების წესების გამკაცრება, რათა საფრთხე არ შეექმნათ როგორც ბავშვებს, ისე მძღოლებსა და ქვეითებს," - წერს სააგენტო.