საქმე გვაქვს სექტასთან, რომელიც ჩაკეტილია თავის თავში, სამყარო დაყოფილი ჰყავს ჩვენიანებად და სხვისიანებად, - განაცხადა საქართველოს პარლამენტის თავმჯდომარემ, შალვა პაპუაშვილმა ოპოზიციაზე საუბრისას.

პაპუაშვილის თქმით, ოპოზიციას უცხოელი პოლიტიკოსები და ევროკავშირი სიწმინდედ ჰყავთ გამოცხადებული.

„ის, რისი ანტიპოდი არის ევროკავშირი, ზუსტად ის თვისება მიაწებეს ევროკავშირს და წარმოადგინეს ის ისე, როგორც სალოცავი სიწმინდე, რომელიც უნდა იყოს ყველაფრის განმსაზღვრელი და მისი კრიტიკა არ შეიძლება. ეს ჯგუფი (ოპოზიცია) ფუნდამენტალისტურია იმიტომ, რომ ეს არის დაფუძნებული ძალადობაზე“, - აღნიშნა შალვა პაპუაშვილმა.