ყარაბაღის გამარჯვებამ რეგიონში ახალ გეოპოლიტიკურ რეალობას ჩაუყარა საფუძველი და შექმნა ბაზისი ზანგეზურის დერეფნის განხორციელებისთვის, – ამის შესახებ აზერბაიჯანის პრეზიდენტმა, ილჰამ ალიევმა განაცხადა.

აზერბაიჯანის პრეზიდენტმა თურქულენოვან სახელმწიფოთა ორგანიზაციის წევრი ქვეყნების უშიშროების საბჭოების მდივნების მეხუთე შეხვედრის მონაწილეებს მიმართა.

„ამ გამარჯვებამ ასევე საფუძველი ჩაუყარა ისეთი ისტორიული „კარიბჭის“ შექმნას, რომელიც ჩვენს ქვეყნებს ეკონომიკურად, ლოგისტიკურად და სტრატეგიულად დააკავშირებს. ეს არის ზანგეზურის დერეფანი. ამ შესაძლებლობით ვისარგებლებ და მადლიერებას გამოვხატავ იმ ქვეყნების მიმართ, რომლებსაც თქვენ წარმოადგენთ, ჩვენი გათავისუფლებული ტერიტორიების აღდგენა-რეაბილიტაციის პროცესში გაწეული მხარდაჭერისთვის. აზერბაიჯანელი ხალხი ამ ინიციატივებს დიდი გულისხმიერებითა და მადლიერებით ხვდება“, – აღნიშნა ილჰამ ალიევმა.