პრემიერი ირაკლი კობახიძე პარიზში კოსმოსის საკითხებზე გამართულ პირველ საერთაშორისო სამიტს დაესწრო. სამიტი საფრანგეთისა და გერმანიის თანათავმჯდომარეობით გაიმართა და მისი მთავარი თემები მეცნიერება, კვლევა, უსაფრთხოება და თავდაცვაა. კობახიძე საფრანგეთში ემანუელ მაკრონის მიწვევით ჩავიდა და ვიზიტის ფარგლებში სამიტის მონაწილე ლიდერების პატივსაცემად ელისეს სასახლეში გამართულ ოფიციალურ მიღებასაც დაესწრო.