რამდენიმე დღეში ფიზიკური პირებისთვის ქონების გადასახადის რეგულაცია გადაიხედება. მიმდინარე ცვლილებების ფარგლებში მთავრობა არსებული 40 000-ლარიანი ზღვრის გაზრდაზე მუშაობს, რომელიც უკვე თითქმის ორი ათწლეულია უცვლელია. როგორც ფინანსთა მინისტრის მოადგილემ, გიორგი კაკაურიძემ აღნიშნა, საბოლოო გადაწყვეტილებაზე მუშაობა, საპარლამენტო კომიტეტთან ერთად, აქტიურად მიმდინარეობს და საბოლოო კონფიგურაცია, სავარაუდოდ, მომდევნო კვირის ბოლომდე გახდება ცნობილი.