პროკურატურამ პატიმარ გიორგი დავითაძის მიმართ სავარაუდო ძალადობის საქმეზე გამოძიება დანაშაულის ნიშნების არარსებობის გამო შეწყვიტა. პატიმრის ოჯახი აცხადებს, რომ გააგრძელებენ წინააღმდეგობასა და სამართლებრივ ბრძოლას. დასრულდა თუ არა ციხის სკანდალი, რამდენად დააზარალა ამან ხელისუფლება და მოვლენების როგორ განვითარებას უნდა ველოდოთ ახლო მომავალში - ამაზე ანალიტიკოსებს განსხვავებული მოსაზრება აქვთ. მათი ნაწილივარაუდობს, რომ ამ ინციდენტს პენიტენციურ სისტემაში შიდა რეორგანიზაცია მოჰყვება.

„ნაციონალური მოძრაობა" 2012 წლის არჩევნებში მარცხის მიზეზების გადაფარვას ცდილობს და საზოგადოებაში საკუთარი პოლიტიკური კრახის გამართლებას ეძებს, აცხადებს ანალიტიკოსი გია აბაშიძე ენმ-ს მიერ ციხის კადრების გამოძიების მოთხოვნაზე.

საქართველოს პარლამენტის ჯანდაცვის კომიტეტის გადაწყვეტილებით, 70 წლამდე ასაკის პენსიონერთა პენსია 20 ლარზე მეტად უნდა გაიზარდოს. კომიტეტმა 2027 წლის სახელმწიფო ბიუჯეტის პირველადი ვერსიის განხილვას მხოლოდ იმ დათქმით დაუჭირა მხარი, თუკი მათი გადაწყვეტილება, შენიშვნის სახით, სახელმწიფო ბიუჯეტში აისახება. ამ გადაწყვეტილებას, დიდი ლბათობით ფინანსთა სამინისტროც გაიზიარებს.

ციმბირში, ირკუტსკის კვლევით ინსტიტუტში თანამშრომლის გარდაცვალებამ ფილტვის შავი ჭირის გავრცელების ეჭვი გააჩინა. ოფიციალური მოსკოვი ლაბორატორიულ ავარიას უარყოფს. აშშ-მ ციმბირიდან ჩასული მგზავრების შემოწმება დაიწყო. ქართველი სპეციალისტების შეფასებით კი, ჯანმოს რეკომენდაციებსა და არსებულ მონაცემებზე დაყრდნობით, საქართველოში ვირუსის გავრცელების რისკი პრაქტიკულად ნულის ტოლია, თუმცა პრევენციული მზადყოფნა აუცილებელია.

ევროპარლამენტის ახალი რეზოლუცია, ევროკავშირთან დიალოგის პერსპექტივა, პრემიერ ირაკლი კობახიძის შესაძლო გადაყენების შესახებ გავრცელებული ცნობები და 4 ოქტომბრის საქმეზე დაკავებულთა საპროცესო შეთანხმების მოთხოვნა - პოლიტიკური დღის წესრიგის აქტიურ თემებზე ანალიტიკოსი ედიშერ გვენეტაძე საუბრობს. მისი აზრით, ევროპარლამენტის გადაწყვეტილებას პრაქტიკული შედეგი არ მოჰყვება, ოპოზიცია პოლიტიკურად დასუსტებულია, ხოლო 4 ოქტომბრის მოვლენები ხელისუფლების მოწინააღმდეგეებისთვის მნიშვნელოვანი გაკვეთილი უნდა გახდეს.

პრემიერმა ირაკლი კობახიძემ რკინიგზელის დღისადმი მიძღვნილ ღონისძიებაზე სიტყვით გამოსვლისას, რკინიგზის დაგეგმილი მასშტაბური განახლების გარდა, რამდენიმე მნიშვნელოვან პოლიტიკურ თემაზე ისაუბრა. მან მკაცრად გააკრიტიკა ევროპარლამენტის ბოლო რეზოლუცია და ის საბჭოთა კავშირის უზენაეს საბჭოს შეადარა. შეაფასა პაატა ბურჭულაძის შვილის სკანდალური განცხადებაც. ასევე, ყურადღება გაამახვილა საწვავის გაძვირებაზე და განაცხადა, რომ ამ ეტაპზე აქციზის განაკვეთის შემცირება არ იგეგმება.

ანალიტიკოს რამაზ საყვარელიძის შეფასებით, ევროპარლამენტის კრიტიკული რეზოლუცია და დასავლური წნეხი ქვეყანაში დესტაბილიზაციის მცდელობას ემსახურება, რაც რუსეთის ინტერესებშია. ის ირაკლი კობახიძის პრემიერობიდან გადაყენებაზე გავრცელებულ განცხადებებსაც გამოეხმაურა და თქვა, რომ ამის საფუძველი არ იკვეთება. ამასთან, პოლიტიკაში ედუარდ სააკაშვილის შესაძლო გამოჩენაზე ფიქრობს, რომ ქარიზმატული ოპოზიციური ლიდერის საჭიროებიდან გამომდინარე, ლოგიკური საფუძველი ექნება.

ევროპარლამენტი ახალ რეზოლუციაში საქართველოში ოპოზიციური პარტიების აკრძალვის მცდელობებს გმობს და ევროკავშირსა და წევრ ქვეყნებს ბიძინა ივანიშვილის, ირაკლი კობახიძის, შალვა პაპუაშვილისა და კახა კალაძის წინააღმდეგ პერსონალური სანქციებისა და სავიზო შეზღუდვების დაწესებისკენ მოუწოდებს. დოკუმენტს 445-მა ევროპარლამენტარმა დაუჭირა მხარი, 37 წინააღმდეგ წავიდა, 97-მა კი კენჭისყრაში მონაწილეობა არ მიიღო.

ირაკლი კობახიძის პრემიერ-მინისტრის პოსტიდან შესაძლო წასვლის შესახებ პოლიტიკური საუბრები კვლავ გააქტიურდა. ოპოზიციის წარმომადგენლები და მათ შორის ბიძინა ივანიშვილის ყოფილი თანამოაზრეებიც არ გამორიცხავენ, რომ „ქართული ოცნების" საპატიო თავმჯდომარე მთავრობის მეთაურის შეცვლის გადაწყვეტილებამდეა მისული. მათი ვარაუდის ერთ-ერთ მთავარ საფუძვლად კი, მთავრობის ბოლო სხდომაზე კობახიძის ვრცელი ანგარიში სახელდება, რომელიც ნაწილმა პრაქტიკულად შემაჯამებელ და შესაძლო გამოსამშვიდობებელ სიტყვად აღიქვა.

რთველი-2026 წარმატებით გრძელდება. მთავრობამ შეასრულა პირობა და ყველა მევენახეს მოსავლის შეუფერხებლად ჩაბარების შესაძლებლობა მისცა. პრემიერ-მინისტრი და მთავრობის წევრები კახეთში ადგილზე ეცნობიან მოსავლის დაბინავების პროცესს. ამ ფონზე, დარგის მხარდამჭერი ღონისძიებები ფართოვდება. ძირითადი აქცენტი უკვე ქართული ღვინის პოპულარიზაციასა და საერთაშორისო ბაზრებზე ექსპორტის ზრდაზე კეთდება.

უახლოეს პერიოდში საქართველო აზერბაიჯანიდან და სხვა ქვეყნებიდან ელექტროენერგიის იმპორტს შუამავალი კომპანიის გარეშე განახორციელებს.  მსგავსი პრაქტიკა, როდესაც ელექტროენერგიას  პირდაპირ მწარმოებლისგან ვიღებდით, უფრო ადრეც, ნაცმოძრაობის ხელისუფლებაში მოსვლამდეც არსებობდა. საშუამავლო კომპანიების გამოჩენა და დამკვიდრება მოგვიანებით, სააკაშვილის მმართველობის პერიოდში მოხდა და წლების განმავლობაში გაგრძელდა. მიუხედავად იმისა, რომ ეს ნაბიჯი ბევრისთვის პოზიტიური ცვლილებაა, ჯერ კიდევ ბუნდოვანია, რატომ შემუშავდა გეგმა კონკრეტულად ახლა და დადგება თუ არა ბიზნესის პასუხისმგებლობის საკითხი.

საქართველოს პრემიერ-მინისტრის, ირაკლი კობახიძის განცხადებით, ანაკლიის პორტში პირველი გემები 2029 წელს უნდა შემოვიდეს. ეკონომისტების შეფასებით, ეს პროგნოზი სრულიად რეალურია, რადგან ანაკლიის პორტში ამჟამად მიმდინარეობს, როგორც ტალღმტეხის მშენებლობა, ასევე დაღრმავებითი სამუშაოები. 

მთავრობის გადაწყვეტილებით, 2027 წლიდან, საჯარო სექტორში დასაქმებულთა ხელფასი 10%-ის ნაცვლად, 8.4%-ით იზრდება. აქამდე საჯარო სექტორში დასაქმებულთა შრომითი ანაზღაურება ყოველწლიურად 10%-ით იზრდება, ოღონდ მხოლოდ ოთხი წლით, ანუ 2022 წლიდან მოყოლებული 2026 წლამდე. ახლა კი სხვა რეალობა დადგა.

კონრად ადენაუერის ფონდის მიერ თბილისის ოფისის დახურვას პოლიტიკური შეფასებები მოჰყვა. ფონდი მიზეზად საკანონმდებლო შეზღუდვებს ასახელებს. „ოცნებაში" ამბობენ, რომ ორგანიზაციამ პოლიტიკური პროექტებისგან უარი არ თქვა და არ გამორიცხავენ, რომ კიდევ ორი ფონდი დაიხუროს. ოპოზიციის შეფასებით კი, ეს გადაწყვეტილება გერმანიასთან ურთიერთობებსა და ქვეყნის დემოკრატიულ პროცესებს დააზიანებს.

აშშ-ისა და უკრაინის პოლიტიკურ წრეებში დიდი ვნებები და ხმაურიანი განხილვები მოჰყვა დონალდ ტრამპის გადაწყვეტილებას რუსეთთან დიზელის იმპორტზე გარიგების დადების შესახებ. ამერიკულმა მხარემ რუსეთისთვის სანქციების მოხსნის შესახებ უკრაინის წარმომადგენლებს მაიამიში გამართულ მოლაპარაკებებზე შეატყობინა. ამის პარარელურად, მხარეები აგრძელებენ ახალი სამშვიდობო გეგმის განხილვას, რომელიც ზამთრის დადგომამდე საბრძოლო მოქმედებების სრულ შეწყვეტას ითვალისწინებს.

ბოლოდროინდელი სამხედრო წარმატებების ფონზე, როგორც ჩანს, იემენელ ჰუსიტებს სულ უფრო ეხსნებათ მადა და სულ უფრო და უფრო თამამ იერიშებს ახორციელებენ უშუალო მტერზე - საუდის არაბეთზე. მათი ძირითადი სამიზნე სტრატეგიული აეროპორტები და საჰაერო სივრცეა. მიტანილმა სარაკეტო და დრონებით იერიშებმა მსხვერპლი და მასშტაბური ზიანი გამოიწვია.