„ეს ხალხი, ახლა ვინც აპიპინებს, თვითონ ამბობს, ჩვენ თავში გვიპიპინებსო. ბიძინას, ქვემეხი რომ ესროლო, იმის არ ეშინია, პიპინის შეეშინდება და გაიქცევა? აღარ დაიღალა ეს უსუსური ოპოზიცია ამდენი მასხარაობითა და ხალხის გაბრიყვებით?" - ასე ეხმაურება მწერალი და მსახიობი გივი სიხარულიძე „ევროპული საქართველოს" აქციას „დაუპიპინე ბიძინას".

საზარელი ფაქტი თბილისში - ახალგაზრდა ქალი 18 წლის მამაკაცმა საკუთარ სახლში ჩაკეტა და მასზე სექსუალურად ძალადობდა. როგორც „რეზონანსისთვის“ ხდება, ცნობილი მამაკაცი მას ასევე ფიზიკურადაც უსწორდებოდა. სავარაუდოდო, 25 წლის გოგონამ პოლიციაში დარეკვა მოახერხა და სამართალდამცველებმა მოძალადის დაკავება შეძლეს. 

სამეგრელოში შეირაღებულმა თავდამსხმელებმა თხილით დატვირთული მიკროავტობუსი  იმ დროს  გაიტაცეს, როდესაც ის მეპატრონეს მძღოლთან ერთად ჩასაბარებლად გადაჰქონდა. შეიარაღებულმა ნიღბიანებმა იარაღის მუქარით მძღოლი და მგზავრი მანქანიდან ჩამოსვეს და თხილით დატვირთული ავტომობილით გაიქცნენ. როგორც დაზარელებულები ყვებიან, მათ თავადამსხმელებმა ასევე ტელეფონი წაართვეს და ადგილიდან მიიმალნენ.  ამ დროისთვის ორივე მათგანი  მძღოლიც და მგზავრიც პოლიციაში გამოკითხვაზე იმყოფებიან. 

„ჩვენ გავაუბრალოვეთ სწავლა და ახლა აგდებულად ვუყურებთ ამ საკითხს" - სტუდენტების პროტესტსა და მოთხოვნაზე, რომ არსებული ეპიდვითარების გამო გაგრძელდეს სწავლა ონლაინ-რეჟიმში „რეზონანსთან" ექპერტ-ანალიტიკოსი და გრიგოლ რობაქიძის უნივერსიტეტის ლექტორი არჩილ გამზარდია გამოეხმაურა. ის სწავლების დისტანციურად გაგრძელების წინააღმდეგია და ფიქრობს, რომ ვირუსის გავრცელების სხვა, უფრო საშიში კერები არსებობს.

საგარეჯოს მუნიციპალიტეტის სოფელ იორმუღანლოში  სისხლიანი დაპირისპირება მოხდა. 18 წლის ბიჭი, რომელიც ქორწილში იმყოფებოდა, იქიდან გამოსვლისას 5-მდე პირმა სასტიკად სცემა. მას ჯერ სიტყვიერი შეურაცხყოფა მიაყენეს, შემდეგ კი ქვებით თავი გაუტეხეს. წაქცეულს ფეხებზე ავტომობილი გადაატარეს. მომხდარ  ფაქტს თვითმხილველებიც ჰყავს, თუმცა, მათი თქმით, გააფთრებულ ხუთ ადამიანს წინააღმდეგობა ვერ გაუწიეს. მათ დამნაშავეების ამოცნობა შეუძლიათ. 

საქართველოში კორონავირუსით ინფიცირებულთა რაოდენობა ყოვედღიურად ათასამდე ადამიანით იზრდება. ეპიდვითარებიდან გამომდინარე ჯანდაცვის სისტემა ახალი პროტოკოლის შემუშავებას გეგმავს. ამის შესახებ თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის, ლევან რატიანმა განაცხადა და ამბობს, რომ კორონავირუსით ინფიცირებულთა 80% კლინიკებში ვეღარ მოხვდება.

შაქარაშვილის საქმეზე დაკავებულმა ვახტან ჩიქოვანმა და არასრუწლოვანმა ზ.ხ. სკანდალური ჩვენებები მისცა. არ არის გამორიცხული, რომ პროკურატურის ვერსია თავდაყირა დადგეს. ბრალდებულები გიორგი შქარაშვილის მკვლელობის საქმეზე ხელს მისავე ბავშვობის  მეგობარს გური ამირხანაშვილს ადებენ. მათი თქმით, ავტომობილში ჩაჯდომის დროს ამირხანაშვილი პირჯვარს იწერდა, უცნაურად იქცეოდა და მეგობრის მოძებნაზე უარს ამბობდა. 

რამდენიმე თვის განმავლობაში პანდემიის პირობებში აშშ-ს მთავრობა გაჭირვებულ ოჯახებს საკვები პროდუქტებით ეხმარება. ახლანდელ სასურსათო ყუთში პრეზიდენტ ტრამპის მიერ ხელმოწერილი წინასაარჩევნოდ წერილიც დევს. ზოგისთვის ეს მიუღებელია, რადგან არჩევნები ახლოვდება.

დავით გარეჯის საქმეზე დაპირისპირებამ საზოგადოებიდან და  პოლიტიკური სპექტრიდან სასულიერო პირებში გადაინაცვლა. როგორც ჩანს, სინოდში არიან გარკვეული დაჯგუფებები, რომელთა პოლიტიკური სიმპათია-ანტიპატია მათსავე განცხადებებში ჩანს. უფრო მეტიც, სინოდის წევრების ნაწილმა ხელისუფლების პირდაპირ გადადგომა მოითხოვა და პოლიტიკურ დებატებში შევიდნენ. 

მარნეულის მუნიციპალიტეტის სოფელ ულაშლოს სკოლის დირექტორს 11 წლის მოსწავლის ცემაში ადანაშაულებენ. დაზარალებულის ოჯახის წევრები ამბობენ, რომ ბავშვს თანატოლებთან ფიზიკური დაპირისპირება მოუვიდა, რის შემდეგაც სკამი გატყდა, გაბრაზებულმა დირექტორმა კი ბავშვს თავი ჯერ მერხზე, შემდეგ კი კედელზე მიარტყმევინა. შედეგად მოზარდმა რამდენიმე წუთით გონება დაკარგა. ამ ყველაფერს კი სხვა არასრუწლოვნები უყურებდნენ. 

ამ მომენტისთვის არც სკოლებში და არც სხვა სასწავლებლებში სწავლის გადადების საკითხი არ განიხილება, თუმცა, რა თქმა უნდა, ყოველდღიურად ხდება ვითარების შეფასება, - ამის შესახებ „რეზონანსთან" საუბარში პარლამენტის ჯანდაცვის კომიტეტის თავმჯდომარე დიმიტრი ხუნდაძემ განაცხადა თბილისში ახალი შეზღუდვების შესაძლო შემოღების კომენტირებისას.