რეზონანსი
06.07.2020

მედიცინაში ბევრი მითია გავრცელებული, რის შესახებაც ადამიანებს სჯერათ. PIA.GE სამედიცინო რეალობაში არსებული მითების დასამსხვრევად ინფექციონისტ მაია ბუწაშვილს დაუკავშირდა. მისი თქმით, მედიცინაში გავრცელებული მითები ძირითადად საკვებს ეხება.

„როგორც წესი, ადამიანები იზღუდავენ თავს სხვადასხვა პროდუქტის მიღებისგან, რადგან სჯერათ, რომ ჯანმრთელობისთვის საზიანოა ან პირიქით. მაგ: ბროწეულს ან ალუბლის წვენს სვამენ იმის გამო, რომ ჰემოგლობინი აუწევთ. სინამდვილეში არც ალუბალი და არც ბროწეული რკინას არ შეიცავს. მას არანაირი გავლენა არ აქვს ჰემოგლობინზე, უბრალოდ წითელია და შემორჩენილია მითის სახით",- განაცხადა PIA.GE-სთან საუბრისას ინფექციონისტმა.ასევე, მისი აზრით, მითია ის ფაქტი, რომ ჰეპატიტის მქონე ადამიანები არ მიირთმევენ ციტრუსსა და ყვითელი შეფერილობის ხილს.

„ყვითელ ხილსა და ციტრუსს არანაირი კავშირი არ აქვს დაავადებასთან", - ამბობს ბუწაშვილი.

მორიგი მითი, რომელზეც ინფექციონისტმა PIA.GE-სათან საუბრისას აღნიშნა, წყლის მიღებაა.

„წყლის დიდი რაოდენობით მიღება მართლაც კარგია ორგანიზმისთვის, უბრალოდ მითია ის ფაქტი, რომ საჭმელს წყალი არ უნდა მიაყოლო", - განაცხადა ექიმმა.

ასევე მითია, როდესაც ალერგიული ადამიანები მიდიან მთის კურორტებზე ე.წ დამტვერვის პერიოდში.

ინფექციონისტის თქმით, ალერგიული ბავშვები როდესაც მიჰყავთ მშობლებს მთაში, დიდი სიფრთხილეა საჭირო, რადგან შესაძლოა, ალერგია სწორედ იმ ყვავილის მტვერზე ჰქონდეს, რომელიც იმ პერიოდში ყვავილობს.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×