რეზონანსი
18.08.2019

 საოკუპაციო ხაზიდან გატაცებული საქართველოს 7 მოქალაქე ცხინვალის იზოლატორში არის მოთავსებული. ინფორმაცია ამის შესახებ საოკუპაციო ძალებმა ცხელი ხაზის საშუალებით გაავრცელეს. 17 აგვისტოს საღამოს 7 ადგილობრივი საოკუპაციო ზოლს მიღმა მყოფ სასაფლაოზე იმყოფებოდა. შემდეგ მათ გადაწყვიტეს, მოელოცათ ტაძარი, რა დროსაც ისინი ოკუპანტებმა დააკავეს. დაკავებულთა დაკითხვა მთელი ღამის განმავლობაში მიმდინარეობდა.

ადგილობრივების განცხადებით, ამ ტერიტორიაზე ოკუპანტების გადაადგილება საკმაოდ ხშირია, თუმცა ე.წ. საზღვრის აღმნიშვნელი არც ერთი ბანერი არაა დამონტაჟებული.

„დაახლოებით 19:00 საათისთვის ოკუპირებული სოფლის აძვისთავის ტერიტორიაზე რუსეთის საოკუპაციო ძალებმა უკანონოდ დააკავეს საქართველოს 7 მოქალაქე. ეს ინფორმაცია მყისიერად მივაწოდეთ ევროკავშირის სადამკვირვებლო მისიას და გავააქტიურეთ ცხელი ხაზი. არსებული ინფორმაციით, საქართველოს 7 მოქალაქე ოკუპაციის ხაზს მიღმა დააკავეს“, - განაცხადა ეროვნული უსაფრთხოების საბჭოს აპარატის უფროსმა კახაბერ ქემოკლიძემ.

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×