რეზონანსი
16.07.2020

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ეკატერინე ტიკარაძის განცხადებით, თუ კოვიდ 19-ის ვაქცინა დამზადდება და დადასტურდება, რომ უსაფრთხო და შედეგიანია, საქართველოს ვაქცინის გარკვეული რაოდენობა აუცილებლად ექნება.

"პირველი და ყველაზე მნიშვნელოვანი რაც არის, ჩვენ ვაძლიერებთ კონტროლს ჰოსპიტალურ ქსელებზე. პაციენტის მიღება უნდა იყოს უსაფრთხო, როგორც პაციენტებისთვის, ასევე იქ მყოფი თანამშრომლებისთვის. რეგულაციების დაცვა და შემდეგ ამის გადამოწმება სპეციალური სამსახურისგან, რამდენად არის კლინიკა მზად პაციენტების მისაღებად.

სრულად არის შესწავლილი, რამდენი სუნთქვის აპარატი უნდა იყოს და როგორ უნდა გადანაწილდეს. ხდება კლინიკების გადაიარაღება.

რაც შეეხება ვაქცინას, ამასთან დაკავშირებით რაიმე კონკრეტული სიახლე არ არის. ჩვენ სოლიდარობის კვლევაში ვართ ჩართული, საქართველოს კი, ეს უზრდის შანსს, რომ საქართველო იყოს იმ ქვეყნების ნუსხაში, რომლებისთვისაც ვაქცინის გარკვეული რაოდენობა იქნება გამოყოფილი.,"- განაცხადა ეკატერინე ტიკარაძემ "დღის კურიერთან".

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×